أسئلة بنسمعها كتير

ينفعك. مُعَمِّر معمول لأي حد بيدير مشاريع تشطيب وفلوسها — مهندس، مكتب صغير، أو مقاول. اللي محتاجه: مشاريعك وحساباتك في مكان واحد.

لأ. حساباتك ملكك إنت بس. محدش بيشوف أرقامك غير اللي إنت بنفسك تديله صلاحية — عميلك بيشوف مشروعه هو بس، وفريقك بيشوف اللي إنت تحدده. ومش بنبيع بياناتك ولا بنشاركها مع أي جهة للتسويق.

اللي إنت تسمح بيه. من إعدادات بوابة العميل لكل مشروع، بتحدد: تبويب الفلوس يظهر ولا لأ، وأنهي ألبومات صور متشاركة. لما الفلوس ظاهرة، العميل بيشوف مدفوعاته ومصروفات مشروعه ونسبة إشرافك المتفق عليها — الاتفاق الواضح جزء من الشفافية. وملاحظاتك الخاصة على المعاملات مخفية تلقائيًا.

بياناتك في حسابك، والدخول ليها بتحكم صلاحيات كامل. التفاصيل كلها في سياسة الخصوصية.

أيوه، التطبيق محتاج اتصال بالإنترنت — وشبكة الموبايل العادية كفاية.

آيفون: متاح دلوقتي على الآب ستور. أندرويد: النسخة التجريبية مفتوحة — انضم لمجموعة المختبرين وبعدين نزّل من Google Play، والخطوات في قطاع المرحلة التجريبية. والنشر العام قريب.

النسخة التجريبية مجانية بالكامل. بتبدأ بتجربة مجانية ٣٠ يوم — بالمنتج كامل. وبعدها تختار خطة لشركتك على قد شغلها. تفاصيل الخطط في صفحة الأسعار. ولو انضميت للنسخة التجريبية وجرّبت قبل الإطلاق — لشركتك خصم ٥٠٪ أول ٣ شهور على أي خطة.

بتختار خطة لشركتك وتكمّل. ولو استنيت، حساباتك وبياناتك بتفضل قدامك — تشوفها وتحمّلها لمدة سنة كاملة، بس من غير تسجيل جديد لحد ما تشترك. مفيش حاجة بتتمسح.

من التطبيق أو من صفحة حذف الحساب — وبنمسح بياناتك حسب سياسة الخصوصية.

قولنا. إحنا بنبني مُعَمِّر مع المهندسين اللي بيستخدموه — مش من مكتب مقفول. ابعتلنا على واتساب أو الإيميل باللي ناقصك، ولو ده اللي شغال بيه السوق فعلًا — بيدخل قدام في خطة الشغل. في المرحلة التجريبية بالذات، اقتراحات اللي بيجرّبوا هي اللي بترتّب أولويات الشغل.

بتسجّل كل حركة فلوس في المشروع أول بأول: مصروفات الخامات والمصنعيات، ومدفوعات العميل. مُعَمِّر بيقسّم مصروفاتك على البنود — سباكة، كهرباء، نقاشة — وبيوريك المصروف الكلي وربحك أول بأول، وكل مصروف بصورة إيصاله. مفيش إكسل ولا جمع بالإيد.

أيوه — مُعَمِّر تطبيق موبايل على أندرويد وآيفون، عربي بالكامل. على آيفون نزّله مباشرة من الآب ستور. وعلى أندرويد النسخة التجريبية مفتوحة بالانضمام لمجموعة المختبرين — الخطوات في قطاع المرحلة التجريبية، والنشر العام قريب.

الإكسل بيحسب بس. مُعَمِّر بيحسب، وبيحط صورة كل إيصال جنب رقمه، وبيدّي عميلك صفحة يتابع منها مشروعه بنفسه — من غير ما تبعتله سكرين شوت أو تكلّمه. حساباتك معاك على الموبايل في الموقع، مش مستنية ترجع للاب توب.

اللي بيجاوب على سؤالك إنت: «الفلوس دي راحت فين؟» — من غير ما تستنى قعدة آخر الأسبوع. مُعَمِّر اتعمل مخصوص لشغل مهندس التشطيب: بتسجّل مدفوعات العميل ومصروفات الخامات والمصنعيات بصورها من الموقع، مُعَمِّر بيوزعها على البنود وبيوريك ربحك أول بأول — وعميلك بيتابع مشروعه بنفسه من بوابة العميل. جرّبه ٣٠ يوم مجانًا وقارن بنفسك.